• CACOULES POU CHES TIOTS

     

    CACOULES

     

     

      Moustique,

    té m’as fait un bouton,

    moustique, in plein mitan d’min front.

    Mais j’avos pas bin ravisé, je n’n’ai un aussi sus min nez…..

    Mais j’pinse à quet’cosse tout d’un cop !

    Té pourros cor m’in faire deux ou tros ?

    Ch’est pour que m’mère all’crot qu’j’ai la rougeole…

    ainsi, j’irai point à l’école

     

     

      All’s’in va tout duch’mint sin tiot bonhomme de qu’min.

    Et comme el’limachon, sus sin dos y a s’mason.

     Si eun’séquo l’inquiète,

    bin vite all’rinte es’tiête.

    Ch’est sûr, té l’as r’connue !

    J’té parlos de l’tortue .

     TORTUE

     

     

     

    Eun’, deux, tros, quate,

    i lèque es’patte.

    Chinq, six, sept, huit,

    i queurt bin vite.

    Neuf, dije, onze, douze,

    après l’biête rousse.

    Treize, quatorze, quinze…

     et i la minge.

     

     Gintil mille-pattes, mets ses chavattes pour s’in aller faire sin marché.

     Mais dins l’pâture perd ses cauchures.

    Gintil mille-pattes, à pieds décaux, sans ses chavattes, a bien du mau !

     El’savon mousse sur et’pieau douce.

    El’savon glisse sur et’pieau lisse.

    Té fais des bulles em’libellule.

    Et quand l’ieau coule, ti té roucoules.

    Em’tiote Manon, min tiot pichon ! 

     

     

     

     

    Comptine de ch'lapin

    Un, deux, tros, i-étot eune fos,
    Tros, deux, un tiot lapin.
    Un, deux, tros, fougnant un tro,
    Tros, deux, un, dins un gardin.
    Un, deux, tros, trouve un caillau,
    Tros, deux, un, dur comme du tchien,
    Un, deux, tros, casse el'caillau,
    Tros, deux, un, avec ses dints.
    Un, deux, tros, i-a pus d'caillau,
    Tros, deux, un, ouais mais l'lapin.
    Un, deux, tros, in s'in doutot,
    Tros, deux, un, i n'a pus d'dints !

     

     

    JOELLE JONAS


  • Commentaires

    Aucun commentaire pour le moment

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :